Namgipa sal na·simang sakantina.
Garo Hills-o ong·gipa a·selni gimin na·simang da·o dipet kinnaman·ahakon. Re·anggipa somoio, West Garo Hills-o chadambe saksako doke so·otaha aro saksa bilongbee sakinnaaha. Ia a·sel ong·anina a·dokni dilgiparang aro sorkari duk ong·aniko parakataha aro sianggipa nokdangna simsakchakani ba condolence-ko on·ataha.
Indiba, ia a·sel ong·anina West Garo Hills Police ta·rake ja·kuko de·aha. Police-rang biap dam-antion raid-rangko ka·e, da·o dipet sakgittam (3) manderangko rim·aha. Unbaksana, iano jak donggipa gipin manderangkoba rim·na police-rang rakgipa kamko ka·enga.
A·dok-o tom·tomaniko ra·bana gita, West Garo Hills-ni Deputy Commissioner, Peace Committee-ko songaha. Ia committee-o civil society aro NGO-ni dilgiparang baksa tom·e, mikkangchi iandakgipa a·selrang ong·jana gita aro communal harmony-ko rakkina chanchi Rimanggen.
Administration-ni gita, manderangko tom·tome dongchina aro ka·onangjachina gita mol·molataha. Mongsongbate, Social media-o gipenggipa golporangko name sandicheng-gija bebera·jachina aro gipatpajachina mikrakataha.
Bon·kamanio, Police aro administration ku·rachakataha je, iano jak donggipa darangko watwaja aro uamangni kosako rakgipa ja·kuko de·gen. Kakket bichal ba justice-ko on·na sorkari tariaha.
MITELA.
Tags:
Local