Namgipa sal sakantirangnan! Na.simangba da.ororo Facebook aro WhatsApp-o iandakgipa kattarangko nikenga ma?— "Covid-19 vaccine su.giparang ia bilsio sigen" ba "Modi vaccine-ko su•ani bidingo ma.sija"?
Bang.a manderangan ia kattarangko nikenba kenjagokenga. Indiba mikrakbo! Iarangara chu.gimik TOL.GIPA (Fake News) sa ong.aia. Da.alo an.ching iani kakket kattako sandigen.
Vaccine su.giparang sigen" inani.
Ia kattara internet-o gipatgipa mitam manderangni tol.e tarigipa video-sa ong.a. Manderang aganenga, Luc Montagnier mung minggipa scientist iandake aganaha. Indiba, ia kakket ong.ja.
World Health Organization (WHO) aro dingtang dingtang doctor-rang parakataha je, vaccine-ara mandeko siatna tarigipa ong.ja, indiba sa-dinga oni naljokatnasa tariaha. Bilsi gni batpilaha, kror kror manderang vaccine su.e da.alona kingking an.seng-e janggi tangtokuenga. Uni gimin ia tol.gipa kattana da kenbo.
PM Narendra Modi vaccine-ni bidingo ma.sija" inani.
Mitam video-rango Modi-ni agan-gipa kattako dingtang dake ma•sisrete gipatenga.
Kakketara, Modi AIIMS Hospital-o vaccine su.mitingo nurse-ko Hindi-chi aganaha: "Laga bhi diya? Pata bhi nahin chala."
Iani A.chikku ortoara— "Su.manjok? Angade satguako ma.sisrap manjaha."
Ua vaccine-ko ma.sija ine aganjaha, indiba nurse-ni changa-sapaniko aro su.aniko ma.sirikja inesa aganahachim. Iako tol.e gipatgiparangna da ken.bo.
Social Media-o nikgipa kattarangko ta.rake bebe ra.nabe. Iandakgipa fake news-rang manderangko kenatna taria.
Sorkari aro Health Department-ni parakatgipa kattarangko-sa ra.chakbo.
Mitela.
Tags:
local